AL RESTA INDAVÒUR …

Al resta indavòur

me pari, tal stradon

di glera cruda, intant

che jo i pedali e i schivi

sbissis e bùsis.

Il vint ogni tant

a ni s’ciavassa di colp,

e bisugna sta atens

a no fassi cucà

dai sos deis a rampìn,

e no colà propri

a pus metros dal travuart…

“Fuarsa pupà, ten duru”

i ghi fai, ades che

li’ so’ giambis a somèin

soldàs strucàs in trincea,

e il manubri un sclop

sensa pi munizions…