JACUN MENEVACJIS

Sezione

NON RESIDENTI

Al vignive ogni lunis a cjatanus a misdí

quant cal veve consegnadis las vacjutis al paron.

Le paiute cal cjapave pal lavôr di menevacjs

ere pocje par mangjá un plat di tripis te osterie

e vanzá ancje un pagnut pe faméé che lu spetave.

Pizzulut al jere Jacun e plen di puze dal tabac

cal cjcàve dut al timp ancje quant cal cjacaràve.

Al so  Jacun di ògni lunis le nonute ere tacade:

al rivave simpri iust come lune e soreli ...

e al dí che nol vignìve i parève di vé un vuéit.

“Sia lodato Gesù Cristo”, al disève sule puarte

a le none indafarade pal gustà di Oreste e Mente

e pai fruz simpri afamâs ... e “sempre sia lodato”

la nonute i rispuindeve invitandulu a jentrá;

i puartave le mignestre e i diseve di sintasi:

te cjadrée donje de puarte al mangiave a scjafoòn

al pagnut cal veve in man, cal bagnave in te mignestre

e cu le gote dal so nâs ...

La nonute po i zontave un cjanton di crodie cuéte

che ancjemó mi ven le gole ...

“Un granùt, Marie dami, di chel sâl cal ven de basse,

un pôc zâl, ma alé tan bon” ... e al finive le fiestute

cun dun gracie di dut cûr prometant a voi sbassâs

un Paternoster par Marie e un’ Ave Gloria pe famée.

Mandi Jacun, stami ben, che al Signôr ti stedi dongje

i rispuindeve la nonute cu le vôs de so animute.

Cussí al mond tornave a còri e le lune a dai daûr

puntuai cence sbaliá, di mená al menevàcjs

ogni lunis ca di nó, par gustá le mignestrute

che le none i preparave cu le crodie cuéte ben

e cul gran di sâl de basse.