LE PLANTE DI RÔL DAL MICHÊL

Sezione

Al è aî

che inmò a ti spiête davant

jù pa le linie da l’orizont.

Drete cusî biele

nue le sa dal timp che al côr

dal om che al è lât,

che le à salvade in ta i angs pasâtz.

A l’ere un piçûl romac

che l’ajar al faseve niçâ

al cresceve e il Michêl al ere content.

A l’è une plante grânde e fuârte

che nue le sa da le muârt.

Al à fuârte le tae

un grum

I romaz tanç e drets a i van in alt viers il cîl

come a cirî di chel om

le muse.

Chei voi cussì savis e profonz

che ai contin di atris monds.

Al è aì

cu lis ladrîs implantâdis in ta tô amade cjêre

dai tiei sudôrs bagnâde.

Al è aì

che inmò a ti spiête

cusì biele

di stagjon in stagjon

e no le sa parçé

Michêl al è lât

propit lui che le vite ai à regalât!