TI MI CONTARÀS

A è di te, dal to scunussût univiêrs

che stasera vores sinti e vivi,

dai to ains passâts lontans

forsi in Merica, forsi al infiêr,

vui vuarps di felicitât, sensa distin,

bessôl e rimit a caressâ la ciâr ch’a dôl,

il peis di ‘na vita ch’a sçiampa amara.

J’ sintarai dai colôrs:

chei dal sel

e dal blu dal mâr

che a l’orizont

a si tocin e a amin;

dal zâl dal soreli

ch’al s’incioca

tai ciamps di radicia,

dal sanc da vènis, ros

coma l’olma da l’aria

sçiavassada da lis cidulis,

dal neri dal fassûl

stret atôr ai pensêrs

ch’a sçiampin coma il fun.

A è di te, anima sensa non

che cul russac in spala,

grevi sot la fuarsa dal distin,

essar insigificant ai pì,

stasera sintarai suturno

la vibrazion da vita

e il cressi da speranza.